Qazaqstandyq tenısshi Elena Rybakına Sıdneı men Pertte (Avstralıa) ótip jatqan aralas komandalar arasyndaǵy United Cup týrnırin jeńispen bastady.
Qazaqstannyń birinshi raketkasy ıspandyq tenısshi Djessıka Býzas Maneıromen (54-oryn) kezdesti. Nátıjesinde Rybakına eki sette (6:2, 6:3) senimdi túrde jeńiske jetip, Qazaqstan men Ispanıa arasyndaǵy machta esepti teńestirdi (1:1), dep habarlaıdy aqshamnews.kz UOK-ke silteme jasap.
Buǵan deıin Aleksandr Shevchenko Pablo Karreno-Býstege eki sette (2:6, 1:6) ese jibergen edi.
2025 jyldyń 5 qańtaryna deıin jalǵasatyn týrnırde qazaqstandyqtar «S» tobyna túsip, Ispanıa jáne Gresıa quramalarymen baq synaıdy. Ulttyq qurama sapynda Elena Rybakına, Jibek Qulambaeva, Aleksandr Shevchenko, Dmıtrıı Popko jáne komandanyń kapıtany Aleksandr Nedovesov óner kórsetedi.