Qazaqstandyq Denıs Evseev Taıland chellendjer týrnırin jeńispen bastady.
Qazaqstan tenıs federasıasynan málim etkenindeı, D.Evseev ATP Challenger Tour jarysynda bastapqy kezdesýin taıbeılik Súı Iýámen ótkizdi, dep habarlaıdy Almaty-akshamy.kz QazAqparatqa silteme jasap.
Birinshi partıa barysynda úshinshi geımde Denıs breık jasap, 2:1 esebimen alǵa shyqty. Budan keıin Súı machty jalǵastyrýdan bas tartty.
D.Evseev ekinshi aınalymda fransıalyq Kırıan Jakemen kortqa shyǵady. Ol taılandtyq Kasıdıt Samreıdi tize búktirdi – 6:2, 4:6, 6:4.
Taılandtaǵy osy dodada taǵy bir qazaqstandyq Beıbit Jýkaev alǵashqy aınalymda úsh sette aýstralıalyq Omar Iasıkaǵa jol berdi – 6:4, 3:6, 3:6.
Búgin sondaı-aq bıylǵy «Úlken dýlyǵa» týrnıriniń sońǵysy – AQSH ashyq chempıonatynyń irikteý saıystary bastalady. Munda Dmıtrıı Popko men Mıhaıl Kýkýshkın negizgi dodaǵa ótýge tyrysyp kóredi. D.Popko búgin ıtalıalyq Andrea Pellegrınomen kúsh synasady. M.Kýkýshkın erteń argentınalyq Nıkolas Kıkermen sheberlik baıqasady.