T.Skatov jartylaı fınalǵa shyǵý úshin álemniń 165-raketkasy, fransıalyq Benýa Permen talasady
Álemniń 233-raketkasy, qazaqstandyq Tımofeı Skatov Lıssabon (Portýgalıa) chellendjer týrnıriniń shırek fınalyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi ekinshi aınalymda álemniń 122-inshi, osy jarystyń úshinshi raketkasy, ıtalıalyq Franchesko Passaromen kezdesti.
T.Skatov birinshi partıada 6:1 esebimen aıqyn basymdylyq kórsetti.
Ekinshisinde qarsylasyna ese jiberdi - 5:7.
Úshinshi, sheshýshi sette Skatov taǵy da oıyn tizginin óz qolyna aldy - 6:1.
Eki saǵat 47 mınýtqa sozylǵan tartysty báseke barysynda T.Skatov eıs jasaǵanymen, 18 breık-poınttyń jeteýin paıdalana bildi. F.Passaro 1 eıs, 3 breıkpen (10 breık-poınt) kózge tústi.
T.Skatov jartylaı fınalǵa shyǵý úshin álemniń 165-raketkasy, fransıalyq Benýa Permen talasady. Ol ekinshi aınalymda dúnıejúzilik reıtıńte 331-orynda turǵan ıtalıalyq Djanmarko Moronıdi joldan taıdyrdy. Esep 6:4, 4:3 bolyp, Per jeńip jatqan kezde Moronı machty jalǵastyrýdan bas tartty.
Eske sala keteıik, budan buryn qazaqstandyq Lıssabon týrnırin jeńispen bastaǵanyn jazǵan bolatynbyz.
Qazaqstandyq tenısshiler Bolgarıadaǵy jarystyń shırek fınalyna shyqty.
Sondaı-aq qazaqstandyq tenısshi Italıadaǵy týrnırdiń shırek fınalyna ótti.
Beıbit Jýkaev Astana Open ATP 500 týrnırinde óner kórsetkisi keledi.