Qazaqstandyq, álemniń 250-raketkasy Tımofeı Skatov Sevılá (Ispanıa) chellendjer týrnıriniń shırek fınalyna ótti, dep habarlaıdy Almaty-akshamy.kz QazAqparatqa silteme jasap.
Qazaqstandyq sportshy ekinshi aınalymda dúnıejúzilik reıtıńte 408-orynda turǵan ıspanıalyq Haver Kosano Barrankomen sheberlik baıqasty.
Birinshi partıada T.Skatov aıqyn basymdylyq tanytty – 6:2.
Ekinshi sette de Tımofeı 2:0 esebimen alǵa ketti. Esep 3:2 bolǵan mezette qarsylasy machty jalǵastyrýdan bas tartty.
Saǵat jarymǵa jýyq ýaqytqa sozylǵan báseke barysynda T.Skatov eıs jasamaǵanymen, 12 breık-poınttyń tórteýin paıdalandy. Barranko 1 eıs, 1 breıkpen (5 breık-poınt) shekteldi.
Tımofeı Skatov jartylaı fınalǵa shyǵý úshin álemniń 116-ynshy, jarystyń 4-raketkasy, ıspanıalyq Karlos Taberner nemese reıtıńte 971-satydaǵy Polsha ókili Ejı Ianovıchtiń bireýimen talasady.
Eske sala keteıik, budan buryn qazaqstandyq tenısshiniń Taılandtaǵy jarystyń shırek fınalyna shyqqanyn jazǵan bolatynbyz.