Qazaqstandyq tenısshi Elena Rybakına áıgili «Ýımbldon» halyqaralyq týrnıriniń jartylaı fınalyna shyqty.
Otandasymyzdyń jarys jolyndaǵy kezekti qarsylasy avstralıalyq Aılá Tomlánovıch bolatyn. Oıyndy qarqyndy bastaǵan Tomlánovıch alǵashqy sette 6:4 esebimen basym túsip, Rybakınany tyǵyryqqa tiredi. Ese jibergennen keıin tez es jıǵan qazaqstandyq tenısshi ekinshi kezeńdi 6:2 esebimen óz paıdasyna aıaqtady, dep habarlaıdy Almaty-akshamy.kz
Sheshýshi, úshinshi, sette qatarynan 3 geımdi alǵan Elena sońyna deıin jeńisti ýysynan shyǵarmady. Qorytyndy nátıje 2:1. Osylaısha juldyzy janǵan Rybakına 145 jyldyq tarıhy bar álemdegi eń bedeldi tenıs dodasynyń jartylaı fınalyna shyqty. Endi ol búgin keshkisin álemdik reıtıńtiń 18-shi raketkasy Sımona Haleppen baıraqty básekeniń fınaldyq joldamasyn sarapqa salady.