Qazaqstannyń birinshi, álemniń 33-raketkasy Aleksandr Býblık Indıan-Ýells masters týrnıriniń úshinshi aınalymyna shyqty.
Júlde qory 8,5 AQSH dollarynan asatyn jarystyń 31-raketkasy bolyp tirkelgen Aleksandr Býblık dodany ekinshi aınalymnan bastap, kezinde reıtıńte kósh bastaǵan «Úlken dýlyǵa» týrnıriniń úsh márte, eki dúrkin Olımpıada chempıony, ulybrıtanıalyq Endı Marreımen kezdesti, dep habarlaıdy Almaty-akshamy.kz Ulttyq Olımpıada komıtetine silteme jasap.
Bıyl Aleksandr Býblık Rotterdamda Endı Marreıden jeńilip qalǵan bolatyn. Bul joly eki saǵatqa jýyq ýaqytqa sozylǵan tartysty básekede qazaqstandyq tenısshi qazirgi kezde reıtıńte 88-orynda turǵan ataqty qarsylasyn 7:6 (11:9), 6:3 esebimen utty. Aleksandr mach barysynda 11 eıs jasap, 5 breık-poınttyń bireýin paıdalandy. Endı Marreı 4 eıspen shekteldi.
Býblık úshinshi aınalymda álemniń 35-raketkasy, bolgarıalyq Grıgor Dımıtrov nemese reıtıńte 78-satydaǵy aýstralıalyq Djordan Tompsonnyń bireýimen talasady.