Qazaqstandyq sýretshi Ásem Súleımenova Londonda ótken Golden Time Talant halyqaralyq baıqaýynda Gran-prı ıelendi. Konkýrsqa álemniń túkpir-túkpirinen barlyǵy 100-den astam qatysýshy keldi, onyń ishinde 30-ǵa jýyǵy - sýretshiler, dep habarlaıdy aqshamnews.kz.
Ásem Súleımenova kórmege ulttyq naqysh pen zamanaýı elementteri úılesken «Qazaq qyzy» sýretin usyndy. Talantty sýretshiniń týyndylarynda kóbinde etnıkalyq kompozısıa kezdesedi.
«Men óte qýanyshtymyn. Baıqaýda túrli talanttar boldy. Biraz jaqsy sýretshilerge qatysqany úshin alǵys bildirdi. Al men Gran-prı jeńip aldym. Ázirge aldaǵy ýaqytqa naqty jospar joq. Degenmen Eýropa elderi, sondaı-aq AQSH sıaqty halyqaralyq deńgeıdegi saıystarǵa taǵy shyqqym keledi», - dep Ásem óz áserimen bólisti.
Ásem Súleımenova Golden Time Talant baıqaýynyń «Sýret» nomınasıasynda onlaın tártibinde jeńiske jetip, Londonǵa kórmege arnaıy shaqyrylǵan. Byltyrǵy jyly jazda ol atalmysh konkýrsqa «Ana men bala» atty týyndysyn jibergen bolatyn. Dodaǵa 190 týyndymen 30-dan astam el qatysqan edi.
Londonǵa saparyn Choco Holding kompanıasynyń basshysy Ramıl Mýhorápov qoldady. Qazaqstandyq IT-kompanıa Ásem Súleımenovanyń birneshe sýretin satyp alyp, oǵan qosa qarjylaı kómek kórsetti.
Golden Time Talent – jasóspirimderden bastap tájirıbeli mamandarǵa deıingi adamdarǵa óz talantyn kórsetý múmkindigin beretin halyqaralyq joba.