Qazaqstan komandasy Google Solution Challenge dep atalatyn álemdik hakatonda úzdik ondyqqa endi.
Nazarbaev ýnıversıteti men Qazaqstan-Brıtan tehnıkalyq ýnıversıtetiniń stýdentteri mobıldi qosymsha oılap shyǵardy. Bul aǵzasyn aýystarǵan, ıaǵnı transplantasıa jasalǵan adamdarǵa arnalǵan, dep habarlaıdy Almaty-akshamy.kz 24.kz-ke silteme jasap.
Qosymsha naýqastardyń fızıkalyq qana emes, kóńil-kúıin qalpyna keltirýge kómektesedi. Dári-dármekti ýaqytymen iship, turaqty túrde jattyǵý jasaý qajet. Oǵan qosa árdaıym dárigermen baılanysta bolǵany jón. Bul transplantasıa jasalǵan naýqastarǵa qoıylatyn basty talap. Osy aıtylǵandardy ózimizdiń stýdentter ázirlegen ReVita mobıldi qosymshasy arqyly baqylaýǵa bolady. Qosymshaǵa elektrondyq poshtany engizip, jeke kabınet ashyp, medısınalyq derekterin tirkese bolǵany. Kórsetkish smart saǵat nemese smart saqına arqyly oqylady. Sodan keıin avtomatty túrde emdeýshi dárigerge beriledi. Bul jobanyń ereksheligi sol naýqas emhanaǵa barmaı-aq, óziniń densaýlyǵyna qatysty derekterdi qosymshadan baqylap otyrady.
«Onyń taǵy da birneshe qosymsha qyzmeti bar. Iaǵnı, osy qosymshany qoldanǵan adamǵa sportpen qalaı durys aınalysýǵa bolatynyna deıin keńes beredi. Iaǵnı, sol jerde emdelýshilerdiń ózara pikir almasyp, bir-birimen sóılese alady», - dedi QBTÝ 3 kýrs stýdenti Ańsar Serikbaev.
Joba avtorlarynyń aıtýynsha, daıyndyq jumystarynyń ózine biraz ýaqyt jumsaǵan. Transplantasıa jasaıtyn ortalyq mamandarymen keńesip, ondaǵy naýqastarmen sóılesken.
«Jyldyń sońyna deıin baǵdarlamany tolyqtyra kele on shaqty adamǵa bergimiz keledi. Osy on shaqty adam bizdiń baqylaý alańymyz bolady. Baqylaýdan ótkennen keıin biz taǵy qosymsha ázirleme jumystaryn ótkizemiz. Aldymen pasıentterge jabyq álfa jáne beta testileý ótkiziledi. Sodan keıin naryqtyq osyndaı platforma engiziledi. Iaǵnı ártúrli klınıkalar, dárigerler bizdiń baǵdarlamamyzdy ózderiniń naýqastaryna usyna alatyn bolady», - deıdi Nazarbaev ýnıversıtetiniń 3 kýrs stýdenti Madıar Moldabaev.
Qazir qosymshany jetildirý jumystarymen jeti adam aınalysyp jatyr. Olar hakaton aıasynan shyǵyp, oǵan jasandy ıntellektke negizdelgen keń fýnksıonaldy qosýdy kózdeıdi. Ol naýqastyń taǵy qandaı qosymsha aýrýy bar ekenin jáne onyń qashan belgi beretinin boljaı alady.