Onyń ishinde boks, dzúdo, karate, ústel tenısi, jeńil atletıka jáne atý sporttarynyń ókilderi men otandyq sport salasynyń mamandary bar.
Tokıo olımpıadasyna qatysatyn ulttyq quramanyń alǵashqy bóligi búgin keshke jolǵa shyǵady, dep habarlaıdy Almaty-akshamy.kz
Qazaqstan delegasıasynyń shef-de-mıssıony Elsıar Qanaǵatovtyń aıtýynsha, ulttyq quramanyń qalǵan bóligi 27 shildede ushady dep josparlanyp otyr.
«Sportshylarymyzdy kútip alyp, Olımpıada qalashyǵyna ornalastyrýǵa daıynbyz. Jańa talaptarǵa sáıkes, sportshylarymyz 14 kún boıy karantındik aýmaqta bolady. Medısına mamandary jiti baqylaıdy. Bunyń barlyǵy daıyndyqtyń sońǵy kezeńine áser etpeıdi degen úmittemiz. Tokıoda olarǵa barynsha jaıly jaǵdaı jasalǵan. Jatatyn jerlerin, tamaqtanatyn oryndary jáne jattyǵý jasaıtyn zaldaryn tekserdik. Deńgeıi aldyńǵy Olımpıadalardan asyp túspese, kem emes», – dedi Elsıar Qanaǵatov.