Parajúzýden qazaqstandyq sportshy Alına Sınelnıkova Azıa rekordyn ornatty. Álem kýbogi kezeńinde ol kúmis júldeni ıelendi.
Aqmola oblysynyń sportshysy, «Mergen» dene múmkindikteri shekteýli adamdarǵa arnalǵan sport klýbynyń tárbıelenýshisi Alına Sınelnıkova 400 metr qashyqtyqqa erkin júzýden kúmis júldeni ıelendi. 200 metrge keýdemen júzýde Alına 3.20.54 nátıjesimen Azıa rekordyn ornatty, dep habarlaıdy Almaty-akshamy.kz
Alınanyń jattyqtyrýshysy Djanna Zaıseva men Anna Sımonına qazaqstandyq sportshy elimizdiń halyqaralyq dárejedegi sport sheberiniń sport razrádyn oryndaǵanyn aıtty. Sáýir aıynyń basynda Berlınde parajúzýden jarys ótip, onda 47 elden 300-den astam sportshy baq synady.
Sportshylar Portýgalıadaǵy álem chempıonaty men bıyl kúzde Qytaıda ótetin Azıa paraoıyndaryna joldama alý úshin talasty. Chempıonatqa Qazaqstan atynan tórt parajúzýshi – Aıbek Iskra, Alına Sınelnıkova, Ivan Shepov jáne Tokıodaǵy Paralımpıada oıyndarynyń qola júldegeri Nurdáýlet Jumaǵalı qatysty.
Berlınde Qazaqstan parasportshylary barlyǵy 4 kúmis jáne 2 qola medaldi jeńip aldy.