Úndistannyń Chennaı qalasynda ótip jatqan Shahmat Olımpıadasynda elimizdiń erler jáne áıelder quramasy jetinshi oıynyn ótkizdi, dep habarlaıdy Almaty-akshamy.kz Inform.kz-ke silteme jasap.
Elimizdiń erler quramasy 5 tamyzda Ispanıadan 2,5:1,5 esebimen basym tústi. Olardyń qatarynan Rınat Jumabaev, Arystanbek Orazaev, Qazybek Nógerbek teń tússe, Álisher Súleımenov jeńiske jetti.
Erler quramasy buǵan deıin Lıvan men Latvıany 4:0, Qytaı Taıbeıin 3:1, Marokko men Chehıany 2,5:1,5 esebimen jeńip, Tájikstanǵa 1,5:2,5 esebimen ese jibergen-di.
Dál osyndaı eseppen elimizdiń áıelder quramasy Vetnamdy jeńdi. Qurama sapynan Jansaıa Ábdimálik qarsylasynan basym tússe, Bıbisara Asaýbaeva, Gúlisqan Nahbaeva men Nazerke Nurǵalı teń nátıjege qanaǵat bildirdi.
Al áıelder quramasy ótken týrda Ázerbaıjanǵa 1:3 esebimen jol berip qoıdy. Olar buǵan deıin Perý, Kýba men Belgıany 3:1, Gvatemalany 4:0 jeńip, Mońǵolıamen 2:2 esebimen teń tústi.