QR Oqý-aǵartý mınıstrliginiń «Daryn» RǴPO jalpy bilim beretin pánder boıynsha respýblıkalyq ǵylymı jobalar konkýrsynyń respýblıkalyq kezeńin qorytyndylady.
Konkýrstyń basty maqsaty – oqýshylardyń ǵylymı-zertteý jáne oqý-tanymdyq qyzmetin yntalandyrý, daryndy jas zertteýshilerdi irikteý jáne qoldaý, sondaı-aq elimizdiń zıatkerlik áleýetin qalyptastyrý, dep habarlaıdy aqshamnews.kz.
Konkýrstyń qorytyndy respýblıkalyq kezeńinde 900-ge jýyq oqýshy baq synady, onyń ishinde aýyldyq eldi mekenderden 132 oqýshy qatysty. Aýyl oqýshylarynyń bilim dodasyna qatysýy bıylǵy jyly 112,9 paıyzǵa artyp otyr, ótken jyly 62 oqýshy qatysqan bolatyn.
Konkýrs eki kezeńde ótkizildi: jaratylystaný-matematıkalyq baǵytyndaǵy pánder jáne qoǵamdyq-gýmanıtarlyq baǵyttaǵy pánder boıynsha.
Konkýrstyń qazylar alqasynyń quramynda elimizdiń bedeldi joǵary oqý oryndarynyń profesor ǵalymdary boldy.
Marapattaý qorytyndysy boıynsha 263 oqýshy jaratylystaný-matematıkalyq baǵytynda, 148 oqýshy qoǵamdyq-gýmanıtarlyq baǵyt boıynsha İ, İİ, İİİ dárejeli dıplomdarmen marapattaldy. Sonymen qatar, jeńimpazdar men júldegerlerge elimizdiń jetekshi joǵary oqý oryndaryna 32 rektorlyq grant tabys etildi.
Jaratylystaný-matematıkalyq baǵyttaǵy pánderden eń úzdik jobalar AQSH-ta (Ogaıo shtaty, Kolýmbýs) 10-16 mamyrda ótetin Regeneron ISEF-2024 Dúnıejúzilik ǵylym jáne tehnıka kórmesine Qazaqstannyń atynan qatysady.