Buıryq jobasy 21 jeltoqsanǵa deıin qoǵamnyń talqylaýda bolady.
Qazaqstannyń Oqý-aǵartý mınıstrligi «Ashyq NQA» portalyna bilim berý uıymdarynda oqý jylynyń bastalý jáne aıaqtalý merzimi, qorytyndy atestattaý sharasynyń ýaqytyn aıqyndaý týraly buıryq jobasyn jarıalady, dep habarlaıdy Almaty-akshamy.kz.
Buıryq jobasy bekitilse, barlyq bilim oshaqtarynda oqý jylynyń merzimi 1 qyrkúıek - 31 mamyr aralyǵynda bolady.
1-11 (12) synyptarda oqý jyly ishinde toqsan jáne demalys uzaqtyǵy mynandaı tártippen bekitilmek:
1 toqsan - 8 oqý aptasy, kúzgi demalys – 7 kún (31 qazannan bastap 6 qarashany qosa alǵanda);
2 toqsan – 8 apta, qysqy demalys - 9 kún (31 jeltoqsannan bastap 8 qańtardy qosa alǵanda);
3 toqsan - 10 apta, kóktemgi demalys - 9 kún (18-26 naýryzdy qosa alǵanda);
4 toqsan -10 apta.
1 synyptarda qosymsha demalys - 7 kún (6-12 aqpan aralyǵyn qosa alǵanda).
Sondaı-aq, pılottyq nemese halyqaralyq mektepter sıaqty basqa da bilim berý uıymdarynyń suranysy boıynsha balamaly merzim qoldanylýy múmkin. Biraq onyń da óz tártibi qarastyrylǵan.
Ondaı jaǵdaıdaǵy oqý toqsandarynyń merzimderi mynandaı tártipte usynylyp otyr:
1 toqsan - 9 oqý aptasy, kúzgi demalys-10 kún (23 qazannan bastap 1 qarashany qosa alǵanda);
2 toqsan – 9 apta, qysqy demalys - 15 kún (31 jeltoqsannan bastap 14 qańtardy qosa alǵanda);
3 toqsan – 9 apta, kóktemgi demalys - 9 kún (20-29 naýryzdy qosa alǵanda);
4 toqsan - 9 apta;
1 synypta qosymsha demalys - 7 kún.