Tájikstan Respýblıkasynyń astanasy Dýshanbede 5-9 qarasha aralyǵynda ótken KhIMIO2025 halyqaralyq matematıka jáne ınformatıka olımpıadasynda qazaqstandyq oqýshylar joǵary nátıje kórsetip, el qorjynyna segiz medal saldy. Baıqaýǵa 10 memleketten daryndy oqýshylar qatysty.
Qazaqstan quramasy eki jas sanatynda 14-15 jas (7-8 synyp) jáne 16-18 jas (9-11 synyp) aralyǵyndaǵy oqýshylardan quraldy. Nátıjesinde qazaqstandyqtar júz paıyzdyq kórsetkishke qol jetkizdi, - dep habarlaıdy Aqshamnews.kz.
Joǵary jas sanaty (9-11 synyp):
Mansýr Mamadahýnov – Qyzylorda oblystyq «Bilim-ınnovasıa» lıseı-ınternaty (ınformatıka);
Aldıar Seıtbaı – Astana qalasynyń daryndy er balalarǵa arnalǵan «Bilim-ınnovasıa» lıseı-ınternaty (ınformatıka);
Álı Erkebulanuly – FMB Nazarbaev Zıatkerlik mektebi, Almaty (matematıka);
Berdibek Orynbasar – Atyraý oblystyq №1 «Bilim-ınnovasıa» lıseı-ınternaty (matematıka).
Kishi jas sanaty (7-8 synyp):
Ahmet Berdimurat – Aqtóbe oblystyq «Bilim-ınnovasıa» mamandandyrylǵan lıseı-ınternaty (matematıka);
Temir Orazbek – Respýblıkalyq fızıka-matematıka mektebi, Almaty (matematıka);
Azamat Rahımberdıev – Atyraý oblystyq №1 «Bilim-ınnovasıa» lıseı-ınternaty (ınformatıka); Islam Ermýhanov – Aqtóbe oblystyq «Bilim-ınnovasıa» lıseı-ınternaty (ınformatıka).
Olımpıadanyń jumys tilderi – aǵylshyn, orys jáne tájik tilderi. Qatysýshylar matematıka men ınformatıka pánderi boıynsha teorıalyq jáne praktıkalyq týrlarda bilimderin synady.
Qazaqstan quramasynyń olımpıadaǵa qatysýy Oqý-aǵartý mınıstrliginiń tikeleı qoldaýymen, sondaı-aq «Daryn» respýblıkalyq ǵylymı-praktıkalyq ortalyǵynyń uıymdastyrýymen júzege asty.