Órt shyqqan sátte balalar úıinde 35 tárbıelenýshi jáne qyzmetkerler bolǵan. Barlyǵy der kezinde evakýasıalandy. Zardap shekkender joq, - dep habarlaıdy Aqshamnews.kz.
Qazirgi ýaqytta balalar ýaqytsha saýyqtyrý sanatorııine ornalastyryldy. Onda qajetti kómek pen qoldaý kórsetilýde.
Balalarǵa tamaq berilip, jaıǵastyryldy. Olar syrt kıimmen, azyq-túlikpen jáne jeke gıgıena quraldarymen qamtylǵan. Sondaı-aq tárbıelenýshilerge táttiler berildi.
Oqıǵa ornynda Almaty qalasy ákimdigi men Qoǵamdyq keńes ókilderi, Naýryzbaı aýdanynyń qorǵanshylyq jáne qamqorshylyq qyzmeti, sondaı-aq Otbasyny qoldaý ortalyǵy men Balalardy qoldaý ortalyǵynyń mamandary jumys istep jatyr. Jaǵdaı tolyq baqylaýda.