Jarysqa 80-nen astam memlekettiń oqýshylary qatysqan.
Panama qalasynda ótken robototehnıka boıynsha dúnıejúzilik «World Robot Olympiad» olımpıadasynda qazaqstandyq oqýshylar jeńimpaz atandy, dep habarlaıdy Almaty-akshamy.kz Oqý-aǵartý mınıstrligine silteme jasap.
Mınıstrliktiń málimetinshe, saıysta 80-nen astam memlekettiń 10-19 jas aralyǵyndaǵy 6-11 synyp oqýshylary baq synaǵan.
Robototehnıkadan dúnıejúzilik olımpıadanyń qorytyndysy boıynsha, qazaqstandyq úsh komanda júldeger atandy.
Olar:
2 oryn (kúmis) «Future Engineers» kategorıasynda – astanalyq 10-synyp oqýshylar Ansar Saýrbaev jáne Amır Karabaev;
3 oryn (qola) «Robo Mission» kategorıasynda – Astana qalasynyń 8-9 synyp oqýshylary Vagız Dısembaev pen Janarys Kaparov;
3 oryn (qola) «Future Engineers» kategorıasynda – Qyzylorda qalasynyń 11-synyp oqýshylary Maksım Ýsolsev pen Dinmuhamed Ábdıev.
Dúnıejúzilik robottar olımpıadasy eń alǵash 2004 jyly Sıngapýrda 1-robottar saıys- festıvali retinde ótken bolatyn. Qazaqstan bul olımpıadaǵa 2014 jyldan beri qatysyp keledi.