Olımpıada qorytyndysy boıynsha otandasymyz İİİ orynǵa ıe boldy
Kolýmbıanyń astanasynda ótken halyqaralyq olımpıadanyń qola júldesin Aqtóbe qalasyndaǵy Nazarbaev zıatkerlik mektebiniń oqýshysy jeńip aldy, dep habarlaıdy Almaty-akshamy.kz QazAqparatqa silteme jasap.
Bogota qalasynda dástúrli halyqaralyq jasóspirimder ǵylymı olımpıadasy (IJSO) aıaqtaldy. Qazaqstannan zıatkerlik dodaǵa alty oqýshy qatysty. Olımpıada qorytyndysy boıynsha, Aıdana Aıtóre İİİ orynǵa ıe boldy. Ol synaq, teorıalyq jáne eksperımenttik tapsyrmalardy sátti oryndady.
«Kolýmbıaǵa sapar óte qyzyqty ótti. Olımpıadanyń baǵdarlamasy aýqymdy boldy. Bul sapardyń jadymda uzaq saqtalatynyna senimdimin. Alǵan tájirıbemdi basqa olımpıadalarǵa qatysqan kezde qoldanamyn. Olımpıadanyń ereksheligi – oqýshylar bir ǵana emes, birden úsh, ıaǵnı, fızıka, bıologıa, hımıa pánderinen tapsyrmalar oryndaıdy. Qazaqstannan úsh pán boıynsha úzdik nátıje kórsetken 6 adam irikteldi. Birinshi kezeńde ár pán boıynsha 10 suraq keldi. Ekinshi kezeń teorıalyq, úshinshi kezeń eksperımenttik. Sońǵysyna komanda bolyp qatystyq, – dep bólisti Aıdana Aıtóre.
Olımpıada oflaın formatta 2-12 jeltoqsan aralyǵynda ótti. Bıyl Kolýmbıada 70 eldiń eń myqty fızıkteri, bıologtary men hımıkteri bas qosty.