Aqyldy kózildirik tórt túrli fýnksıa atqarady.
Osynyń arqasynda oqýshy álemniń kez kelgen ýnıversıtetinde tegin oqýǵa múmkindik aldy, dep habarlaıdy aqshamnews.kz
Atyraý «Bilim-Innovasıa» lıseıiniń 11-synyp oqýshylary Haıdar Ataǵulla men Qaıyrhan Luqpanov oılap tapqan «Aqyldy kózildirik» baǵdarlamasy álemniń úzdik 100 jobasynyń qataryna endi.
«Aqyldy kózildirik» Jasscience-2024 baıqaýynan 1-oryn ıelendi jáne dúnıejúzindegi eń bedeldi baǵdarlamanyń biri 100 Rise Global Winners 2024 tizimine endi. Sonyń nátıjesinde joba avtorlarynyń biri Haıdar Ataǵulla álemniń kez kelgen ýnıversıtetinde tegin oqýǵa múmkindik aldy.
«Kózildirik RikaAI jasandy ıntellektisi arqyly jumys isteıdi. RikaAI - bul ıntýıtıvti baǵdarlama, jaı ǵana saýsaqpen basý arqyly iske qosylady. Paıdalanýshylarǵa qulaqqap arqyly daýystyq komanda berip, ózara áreket jasaýǵa múmkindik beredi. Materıalyn 3D prıntermen jasadyq. Kamera, qulaqqap pen mıkrofondy shetelden tapsyryspen aldyrttyq», – dedi H.Ataǵulla.
Kózildirik tórt túrli fýnksıa atqarady.
«Birinshisi biz biletin shatGPT, wikipedia sekildi kez kelgen suraqqa jaýap beredi. Ekinshisi mátindi skanerlep, oqıdy. Úshinshiden, jol boıyndaǵy kedergiler týraly málimetterdi aıtady. Bul fýnksıa kózi nashar kóretin azamattardyń qaýipsizdigin qamtamasyz etedi. Tórtinshiden, nysanǵa kirgende ondaǵy oqıǵalardy baıandap beredi. Aldaǵy ýaqytta onyń fýnksıalaryn kóbeıtip, damytqymyz keledi», – dedi Q.Luqpanov.