Qazaqstannyń 30 iri óndirýshisi Shanhaıdaǵy jyl saıynǵy ımporttyq taýarlar kórmesine qatysýda
Olar 100 mln dollardan astam azyq-túlik pen aýylsharýashylyq ónimderin jetkizýge kelisim jasaıdy dep kútilýde. Alaıda kóptegen kompanıalar sharaǵa onlaın formatta qatysýda. Bul pandemıaǵa baılanysty ereje. EKSPO kórmesinde olardyń ónimderi ǵana bar, al kelissózderdi arnaıy ókilder júrgizetin bolady, dep habarlaıdy Almaty-akshamy.kz
«Qytaı óz naryǵyna qyzǵanyshpen qaraıdy. Árdaıym Qytaıǵa jiberiletin ónimderdi óte muqıat tekseredi. Biraq bizdiń ónimder Qytaı tarapy asa kóńil bóletin barlyq synaqtan, qajetti sertıfıkattaýdan ótti», - Evgenıı Koról, qazaqstandyq kompanıanyń satý jónindegi dırektory
Atalmysh qazaqstandyq zaýyt óz óniminiń 70% eksportqa jóneltedi. Taýarlar Ortalyq Azıanyń barlyq elderine, Reseıge, tipti Aýǵanstanǵa da jetkiziledi. Kásiporyn jylyna 40 myń tonnaǵa deıin daıyn ónim shyǵarady. Endi kompanıa aspanasty eliniń naryǵyna shyǵýǵa nıetti.
«Bizdiń ónimniń assortımenti keń, sondyqtan Qytaı tutynýshylary kóńilinen shyǵatynyn taba alady. Sizder jaqsy bilesizder, qytaılyqtardyń taǵamnyń dámi óte ashshy. Sondyqtan qazir olardyń eýropalyq taǵamdarǵa suranysy artýda. Biz ony usyna alamyz», - qazaqstandyq kompanıanyń ókili Mıras Qılybaev
Kórme ótkizilgen sońǵy 4 jylda Qazaqstan men Qytaı arasynda jasalǵan sharttardyń somasy jarty mlrd dollardan asatynyn aıta ketken jón. Azyq-túlik ónimderinen basqa bizdiń el sıfrlyq sheshimderdi usynýǵa nıetti. Kórme 10 qarashada aıaqtalady.