Halyqaralyq jarystarda elimizdiń mereıin ústem etip, top jaryp júrgen sportshylar qatary kún sanap artyp keledi.
Solardyń qataryna jaqynda asyq atý sportynan Rýmynıa elinde ótken álem kýboginiń jeńimpazy Almas Qarabaev ta enip otyr. Ol – Túrkistan oblysy Túlkibas aýdanynyń turǵyny, dep habarlaıdy Almaty-akshamy.kz Baq.kz-ke silteme jasap.
Túlkibas aýdanynyń ákimi Nurlan Baıǵut halyqaralyq arenada elimizdiń abyroıyn asqaqtatyp kelgen jeńimpazdy shákirtterimen birge qabyldap, qurmet kórsetti. Aýdan basshysy atalǵan jeńis aýdannyń ǵana emes, elimizdiń jeńisi ekenin tilge tıek etip, Almas Ońlasynuly men shákirtterine aldaǵy baıraqty básekelerde sáttilik tiledi.
Aýdandaǵy A.S.Pýshkın atyndaǵy mektep-lıseıinde deneshynyqtyrý pániniń muǵalimi qyzmetin qatar alyp júrgen Almas Qarabaev asyq atý sportynyń ulttyq qurama komandasynyń kapıtany retinde kóptegen jarysta top jarǵan. QR kýbogy men chempıonatynyń birneshe dúrkin jeńimpazy ári júldegeri.
Búginde Almas bapker retinde de ózin dáleldep júr. Onyń shákirtteri asyq jáne bes asyq atý sport túrlerinen QR chempıonatynyń jáne ulttyq oıyndarynyń chempıondary atanyp, senimin aqtap keledi.