Kórkem syrǵanaýdan Qazaqstan quramasynyń kóshbasshysy Mıhaıl Shaıdorov Gran-prı fınalyna joldama aldy, dep habarlaıdy Aqshamnews.kz tilshisi Qazaqstannyń Ulttyq olımpıada komıtetine silteme jasap.
22 qarashada Helsınkıde (Fınlándıa) erler arasyndaǵy Gran-prı serıasynyń sońǵy kezeńi ótti. Onda japonıalyq Iýma Kagıama jeńiske jetti.
Alty kezeńniń qorytyndysy boıynsha fınalǵa ótetin sportshylar anyqtaldy. Qazaqstandyq Mıhaıl Shaıdorov 24 upaı jınap, besinshi nátıjemen sheshýshi synǵa joldama aldy.
Fınalǵa ótken sportshylar tizimi:
- Nıkıta Malının (AQSH) – 30 upaı
- Iýma Kagıama (Japonıa) – 30 upaı
- Shýn Sato (Japonıa) – 28 upaı
- Adam Sáo Hım Fa (Fransıa) – 26 upaı
- Mıhaıl Shaıdorov (Qazaqstan) – 24 upaı
- Denıel Grassl (Italıa) – 20 upaı
Gran-prı fınaly 4–7 jeltoqsan kúnderi Japonıanyń Nagoıa qalasynda ótedi.