2022 jyldyń sońynda 8,8%-ǵa deıin jetýi múmkin.
QR Ulttyq banki aqsha-kredıt saıasaty aıasynda 2023 jyly ınflásıa birtindep 7,5-9,5%-ǵa deıin baıaýlaıdy, dep habarlaıdy Almaty-akshamy.kz Inbusiness.kz silteme jasap.
Sondaı-aq álemdegi azyq-túlik baǵasy ósiminiń baıaýlaýy, negizgi saýda áriptes elderdegi ınflásıanyń baıaýlaýy da ınflásıany tejeıtin bolady. Bul týraly "2023-2025 jyldarǵa arnalǵan respýblıkalyq búdjet týraly" másele boıynsha Májilistiń plenarlyq otyrysynda Ulttyq bank tóraǵasy Ǵalymjan Pirmatov málimdedi.
"Halyqaralyq valúta qorynyń boljamdaryna sáıkes, álemdegi ınflásıa buryn kútkennen joǵary deńgeıde uzaǵyraq qalyp otyr jáne ol 2022 jyldyń sońynda 8,8%-ǵa deıin jetýi múmkin. Odan keıin Halyqaralyq valúta qory jahandyq ınflásıa 2023 jyly 6,5%-ǵa deıin jáne 2024 jylǵa qaraı 4,1%-ǵa deıin báseńdeıdi dep boljaıdy", – dep málimdedi Ulttyq bank tóraǵasy.
Sondaı-aq taýar ımporty joǵary deńgeıde saqtalady degen boljam bar. Buǵan deıin Ulttyq bank qyrkúıek aıynda jyldyq mándegi ınflásıa 17,7%-ǵa jetkenin málimdegen bolatyn.