59 qatysýshy ustalǵan.
Ulttyq qaýipsizdik komıteti zańsyz aınalymnan 282 keli esirtkiniń jolyn kesti, dep habarlaıdy Almaty-akshamy.kz.
«2022 jylǵy shilde men qazan aralyǵynda esirtkige qarsy, onyń ishinde reseılik, ózbekstandyq jáne qyrǵyzstandyq áriptestestermen birlesken 36 operasıa ótkizildi. Esirtki trafıginiń 11 halyqaralyq jáne 14 aýmaqtyq arnasy joıyldy. Sıntetıkalyq esirtki óndirýmen aınalysatyn 4 jasyryn laboratorıanyń is-áreketi beıtaraptandyryldy. Arnaıy operasıalar barysynda esirtki qurylymdarynyń 59 qatysýshysy ustaldy. Zańsyz aınalymnan 282 keli esirtki, onyń ishinde 32 keli geroın, 11 keli apıyn, 60 keli sıntetıkalyq esirtkiler, 156 keli marıhýana, 22 keli gashısh alyndy. Sonymen qatar aınalymnan 861 «ekstazı» tabletkasy jáne psıhotroptyq zattardy ázirleýge arnalǵan 3 tonnadan asa hımıalyq reagentter shyǵaryldy», - delingen Ulttyq qaýipsizdik komıtetiniń habarlamasynda.
Halyqaralyq esirtki bıznesine qarsy turý boıynsha is-sharalar jalǵasýda.