Pandemıa mýzykanttyń shyǵarmashylyqqa den qoıýyna ákelgen
Qazaqstandyq kompozıtor, ánshi, aqyn Erkesh Shákeev Máskeýde «Pırs 39» dep atalǵan jańa stýdıalyq álbomyn tanystyrdy, dep habarlaıdy Almaty-akshamy.kz «Habar 24» saıtyna silteme jasap.
Shyǵarma reseılik jaz mýzykant Vadım Eılenkrıgpen birlesip jasalǵan. Biraq qos mýzykant pandemıaǵa baılanysty álbom daıyndaý jumysyn qashyqtan júrgizgen.
«Pandemıa shyǵarshamylyǵyma oń yqpal etti. Óıtkeni men oqshaýlanyp, osy týyndymdy shyǵarýǵa den qoıa aldym. Bul álbomnan basqa London koróldik sımfonıalyq orkestrlerimen birlesip jumys istedim», - deıdi kompozıtor Erkesh Shákeev.
«Bizdiń jumysymyzdaǵy mańyzdy sátterdiń biri – maǵan Erkeshtiń mýzykasynyń unaǵandyǵy. Onyń týyndylaryn A-Stýdıo tobynda oryndaǵan kezde de unatqanmyn. Biraq skechterin jibergen kezde Erkeshtiń názik ári sheber sazger ekenin túsindim», - deıdi mýzykant Vadım Eılenkrıg.