Fýtboldan qazaqstandyq klýbtardyń Eýropa lıgasy jáne Konferensıa lıgasy pleı-off satysyndaǵy yqtımal qarsylastary anyqtaldy
Búgin eýrokýbok oıyndary pleı-off satysynyń jerebesi tartyldy.
Elordalyq «Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi.
Odan buryn úshinshi iriktteý satysynda qazaqstandyq komanda 10 jáne 17 tamyz kúnderi Bolgarıanyń «Lýdogores» komandasymen synǵa túsedi.
Atalǵan oıynda jeńilgen jaǵdaıda «Astana» Konferensıa lıgasy pleı-off satysynda «Valmıera» (Latvıa) jáne «Partızanı» (Albanıa) jubynyń jeńimpazymen sheberlik baıqasady.
Al qostanaılyq «Tobyl» Konferensıa lıgasy pleı-off satysyna shyqqan jaǵdaıda «Vıktorıa» Plzen (Chehıa) men «Gzıra Iýnaıted» (Malta) jubynyń jeńimpazymen jasyl alańǵa shyǵady.
Odan buryn qostanaılyq Konferensıa lıgasy úshinshi irikteý satysynda 10 jáne 17 tamyz kúnderi «Derrı Sıtı» (Irlandıa) klýbymen oınaıdy.
Sondaı-aq «Aktobe» pleı-off satysynda «Býdó-Glımt» (Norvegıa) jáne «Púnık» (Armenıa) jubynyń jeńimpazy qarsylas atanýy yqtımal.
«Aqtóbe» odan buryn jarystyń úshinshi satysynda 10 jáne 17 tamyz kúnderi Rýmynıanyń «Sepsı» klýbymen kezdesedi.