Olar sheteldik stýdentterdiń negizgi kontıngentin quraıdy.
Densaýlyq saqtaý vıse-mınıstri Jandos Búrkitbaev quttyqtaý sózinde bıylǵy jyl Qazaqstan men Úndistan arasyndaǵy dostyq qarym-qatynastyń 30 jyldyǵy ekenin aıtty, dep habarlaıdy Almaty-akshamy.kz
«Osy tarıhı qysqa merzim ishinde eki memleket arasyndaǵy yntymaqtastyq jańa sapaly deńgeıge kóterildi. Qazaqstanda eleýli reformalar júrgizilýde. Olar sondaı-aq qoljetimdi, sapaly jáne jaýapty densaýlyq saqtaýdy qurýǵa jáne básekege qabiletti medısına mamandaryn daıarlaýǵa baǵyttalǵan», - dep atap ótti ol óz sózinde.
Qazirgi ýaqytta qazaqstandyq joǵary oqý oryndarynda Úndistannan 5000-nan astam stýdent oqıdy jáne olar sheteldik stýdentterdiń negizgi kontıngentin quraıdy. Vıse-mınıstr qazaqstandyq medısınalyq ýnıversıtetterdiń bilim berý baǵdarlamalary barlyq halyqaralyq standarttarǵa sáıkes keletinin jáne sheteldik stýdentter medısınalyq mamandyq alý úshin bizdiń elimizdi tańdaıtyny kezdeısoq emes ekenin atap ótti.
Óz kezeginde mınıstr hanym stýdentter aldynda sóz sóılep, árbir stýdent basqa elde bola tura, Úndistannyń elshisi ekenin jáne onyń kelbeti men minez-qulqy týǵan eliniń eń jaqsy dástúrlerin kórsetý kerektigin aıtty. Ol jastardyń nazaryn COVID-19 pandemıasy kezinde búkil álem tap bolǵan qıyndyqtarǵa aýdaryp, stýdentterdi óz densaýlyqtaryn kútip, ekpe alýǵa shaqyrdy. Sondaı-aq Úndistannyń týmalaryn Qazaqstanda oqytý úshin jasalǵan múmkindik pen qolaıly jaǵdaılar úshin rızashylyǵyn bildirdi.