Detektıv janryndaǵy shyǵarmalar bir jınaqqa toptastyrylady.
İshki ister mınıstrligi baspasóz qyzmetiniń ókili Shuǵyla Turlybek qazaqstandyq qalamgerlerdiń detektıv janryndaǵy shyǵarmalary kitap bolyp basylyp shyǵatynyn aıtty, dep habarlaıdy Almaty-akshamy.kz Egemen.kz-ke silteme jasap.
«Ótken jyly İshki ister mınıstrligi el tarıhynda tuńǵysh ret «Sert» detektıv shyǵarmalarynyń respýblıkalyq baıqaýyn ótkizgen bolatyn. Ádebı baıqaýdyń basty maqsaty – halyqtyń quqyqtyq mádenıetin, sonymen qatar qazaqstandyq patrıotızmdi arttyrý, qoǵam nazaryn polısıa men basqa da quqyq qorǵaý organdary qyzmetkerleriniń qıyn jáne qaýipti jumysyna aýdarý», - dedi Shuǵyla Turlybek brıfıń barysynda.
Onyń aıtýynsha, İshki ister mınıstrligi Qazaqstan polısıasynyń 30 jyldyq mereıtoıy aıasynda respýblıkalyq «Sert» baıqaýyn jarıalady. Baıqaýǵa qatysatyn shyǵarmalar osy jyldyń 15 qyrkúıegine deıin qabyldanady.
«İshki ister mınıstrligi baıqaýǵa qatysýǵa shaqyrady. Jeńimpazdar Qazaqstannyń Táýelsizdik kúnine oraı jarıalanady. Al baıqaý qorytyndysy boıynsha detektıv janryndaǵy qazirgi zamanǵy qazaqstandyq jazýshylardyń shyǵarmalary jınaqtalǵan kitap basylady», - dedi İİM ókili.