Arýjan Saǵyndyqova jastar arasynda Rolan Garros týrnıriniń irikteý saıysyn sátti bastady.
Arýjan irikteý saıystarynyń jartylaı fınalynda fransıalyq Ofalá Býllaımen kezdesti. Eki saǵatqa sozylǵan tartysty machta qazaqstandyq tenısshi 6:4, 5:7, 10:6 esebimen jeńiske jetti, dep habarlaıdy Almaty-akshamy.kz
A.Saǵyndyqova irikteý saıystarynyń fınalynda japonıalyq Haıa Kınosıtamen sheberlik baıqasady. İrikteý saıystarynyń 6-raketkasyn jeńse, negizgi jarysqa joldama alady.
Taǵy bir jas qazaqstandyq Maksım Batútenko jergilikti oıynshy Tomas Fýrelge jol berdi – 6:4, 4:6, 7:10.
Qazaqstannyń áıelder arasyndaǵy ekinshi, álemniń 37-raketkasy Iýlıa Pýtınseva úshinshi aınalymǵa óte almady. Ol álemniń 30-raketkasy, ıtalıalyq Kamıla Djordjıden utylyp qaldy – 3:6, 5:7.
Iý.Pýtınseva juptyq synda da jarys jolynan shyǵyp qaldy. Ol amerıkalyq Danıel Kollızben birge rýmynıalyq Monıka Nıkýleský – belgıalyq Elıson Van Eıtvanktan jeńildi – 6:3, 3:6, 1:6.