Qazaqstandyq jas ónerpazdar Dýbaıda ótken "Djýmeıra Saýndz" ("Jumeirah Sounds") halyqaralyq baıqaýyna qatysyp, top jardy.
Saıysta 6 elden kelgen talantty mýzykanttar baq synady, dep habarlaıdy Almaty-akshamy.kz.
Atap ótetini, bul konkýrs dástúrli túrde uıymdastyrylady, bıyl jetinshi márte ótýi. Jumeirah Sounds - álemniń jas mýzykanttarynyń kórkemdik qabiletteri men mýzykaǵa degen qushtarlyǵyn, darynyn anyqtaıtyn baıqaý.
«Baıseıitova mektebinen ansámbl skrıpacheı gran prı aldy. Bıylǵy konkýrsta biz qýanyp otyrmyz Indıadan kelgen qyz bala gran prı aldy. Keremet oınady, skrıpkashy. Akademıcheskıı vokaldan gran prı aldy. Sondaı bizde maqtanyshtar bar», - deıdi Qazaq ulttyq óner ýnıversıtetiniń profesory, baıqaýdy uıymdastyrýshy Raısa Musaqojaeva.
Otandyq mýzykanttar ótken jyldary Qytaı, Izraıl, AQSH jáne Reseıden kelgen qatysýshylarmen baq synasqan bolatyn. Bul joly Qazaqstanmen birge Birikken Arab Ámirlikteri, Túrkıa, Ázirbaıjan, Qyrǵyzstan men Úndistannan kelgen 60-tan astam ónerpaz qatysty. Jalpy, mýzykalyq baıqaý vokaldyq jáne aspaptyq oryndaý, teatr óneri, beıneleý óneri, bı sıaqty ár túrli janrda ótti. Baıqaýdyń qazylar alqasy – álemniń ár túkpirinen kelgen áıgili mýzykanttar men vokalıster, mádenıet jáne óner qaıratkerleri.
«Gran-prı degende qatty qýanyp jylaǵym keldi. Olar jaraısyń dedi, aǵaıym sen jaqsy aıttyń dedi. Jeńip alǵan bas júldemdi Qazaqstan, qazaq halqyna jáne otbasyma arnaımyn», - baıqaýdyń gran-prı ıegeri Aıymjan Jalǵasbaı.