Qazaqstandyq delegasıanyń Islam elderi jas aspazdarynyń Young Chefs International 2024 halyqaralyq týrnırine daıyndyǵy qalaı ótýde Almaty qalasynyń Óńirlik komýnıkasıalar qyzmetiniń baspasóz-konferensıasynda belgili boldy.
Qazaqstan restoratorlar klýby asosıasıasynyń jetekshisi Gúlnar Katıbaeva atap ótkendeı, jas aspazdar týrnıri bes jyldan beri Tatarstan Respýblıkasynda ótip keledi. Halyqaralyq týrnırge Malaızıa, Saýd Arabıasy, Katar, Qazaqstan, Qyrǵyzstan, Ózbekstan, Ázirbaıjan jáne basqa da ıslam elderi qatysady.
«Bul qyzyqty sharanyń kýratorlary álemdik deńgeıdegi tanymal aspazdar bolmaq. Qazaqstan óziniń erekshe dámi men tájirıbesin usynatyn tek qatysýshy ǵana emes, sonymen qatar qazylar alqasynyń quramynda da bolady», - dedi ol.
Atap ótkendeı, Qazaqstannyń qatysýynyń ereksheligi álemniń jetekshi aspazdary daıyndaǵan merekelik keshki as bolmaq, onyń ishinde qazaqstandyq aspaz da bar. Bul keshte qazaq asqanasynyń baılyǵy týǵan elden ákelingen biregeı ónimder usynylady.
«Biz ulttyq taǵamdardy álemdik deńgeıde kórsetý múmkindigine ıe bolǵanymyz úshin maqtan tutamyz. Bizdiń aspazdar az ıngredıentterdi paıdalana otyryp, qazaq asqanasynyń biregeıligi men baılyǵyn kórsetýge daıyn», - dedi Qazaqstan delegasıasynyń ókili.
Týrnırge Qazaqstan atynan jas ári talantty aspaz Rýslan Ibragımov pen tehnolog, Almaty tehnologıalyq ýnıversıtetiniń 3 kýrs stýdenti Mereı Jeksenaly qatysady.
Bul jas aspazdardyń sheberligi men shyǵarmashylyǵyn kórsetýge ǵana emes, sonymen qatar Qazaqstannyń jáne basqa elderdiń aspazdyq qaýymdastyǵy arasyndaǵy dostyq baılanystardy nyǵaıtýdyń biregeı múmkindigi. Bul sharaǵa qatysý qazaqstandyq asqanany halyqaralyq arenada tanymal etý jolyndaǵy jarqyn qadam bolady dep kútilýde.
Jeksenaly Mereı týrnırge daıyndyqtyń qalaı ótip jatqanyna toqtaldy.
«Maǵan osy týrnırge qatysý baqyty buıyrdy. Men bolashaq aspaz bolǵandyqtan, bul týrnırden eń kóp kútetin nárse - tájirıbe almasý, álem asqanalarynyń dámin tatyp, jańa daǵdylardy meńgerý jáne osynyń barlyǵyn bolashaq tájirıbede paıdalaný múmkindigi. Osy múmkindik úshin ýnıversıtetime alǵys aıtqym keledi», - dedi ol.
Aspaz Rýslan Ibragımov Qazaqstan aspazdyq dástúrlerdiń alýan túrliligine úles qosyp, álemdik gastronomıalyq sahnada mańyzdy ról atqarady dep sanaıdy.
«Men irikteýge qatysý qurmetine ıe boldym. İrikteýden ótip, Mereıdi jattyqtyrýǵa kiristim. Endigi basty mindetimiz – tarıhymyzdy, gastronomıalyq mádenıetimizdi barynsha jaqsy qyrynan kórsetý. Men óz jumysymdy jaqsy oryndap, Qazaqstanǵa altyn medal ákelemin degen úmittemin», – dedi R. Ibragımov.
Ol qazaq asqanasy óziniń alýan túrliligi, hosh ıisteri jáne dáminiń baılyǵymen tanymal ekenin aıtty. Sheteldik áriptester únemi jergilikti sút ónimderin jınaýdy suraıdy dep te atap ótti.
«Bizde keremet sút ónimderi bar, shıkizat sapasy joǵary deńgeıde. Aldaǵy 5-6 jylda biz jahandyq deńgeıge jetip, keńirek tanylatyn bolamyz», - dep basa aıtty aspaz.
Ol sondaı-aq jańa taǵamdardy jasaýǵa ne shabyttandyratynyn aıtty.
«Men óz elimniń patrıotymyn. Meniń shaǵyn blogym bar, onda men Qazaqstannyń tabıǵaty jáne taǵam daıyndaýdyń dástúrli ádisteri týraly aıtamyn. Dástúrli taǵam daıyndaý ádisteri dep neni aıtamyn? Biz qazaqtar kóshpeli halyqpyz. Túrki halyqtary kóshpeli halyq. Bizde pisirýdiń jalǵyz ádisi bar - ol ot arqyly taǵamdy qýyrý, qaınatý jáne buqtyrý. Jáne qazanda daıyndaý. Men daıyndaıtyn barlyq taǵamdar otqa pisirýge negizdelgen, ıaǵnı nan bolsyn, bárin otqa pisiremin. Qazaqta «taba nan» degen tamasha nan bar. Sonymen qatar, ulttyq taǵamdar, sonyń ishinde kóje daıyndaýdy, et asýdyń besbarmaqtan aıyrmashylyǵy jaıly aıtamyn. Men bizdiń tabıǵatymyzdan, ónimderimizden jáne adamdarymyzdan shabyt alamyn. Bizdiń elde ártúrli ulttar bar, onyń árqaısysynan azdap qyzyqty sátterdi, daıyndyqtyń tehnologıalyq aspektilerin alýǵa bolady. Al munyń bárin qazaq gastronomıasyna beıimdeńiz. Bir sózben aıtqanda, bunyń bári meni shabyttandyrady», - dep bólisti Rýslan Ibragımov.
Almaty tehnologıalyq ýnıversıtetiniń «Tamaq ónimderi tehnologıasy» kafedrasynyń meńgerýshisi Aıgúl Taeva bolashaq aspazdar men tehnologtardyń daıyndyǵyna qatysty toqtaldy.
«Bizdiń bólimde oqıtyn aspazshylar men tehnologıalyq ınjenerlerdiń aıyrmashylyǵy - tehnologıalyq ınjenerlerdiń taǵam hımıasy jáne termıalyq óńdeý kezinde bolatyn bıohımıalyq prosester týraly negizgi bilimniń bolýynda. Bizdiń stýdentter oqıtyn ınjenerlik quramdas bólik jáne ınjenerlik pánder mańyzǵa ıe, bul jabdyqtar, tehnologıalyq prosesterdi avtomattandyrý jáne t.b. Ónimderimizdi halyqaralyq naryqqa shyǵarý úshin taǵam ónimderiniń deńgeıi joǵary, olardyń qaýipsizdigi men sapasy halyqaralyq standarttarǵa saı bolýy kerek. Bizdiń stýdentter osy baǵyttarda bilim alady», - dedi ol.
Qazaqstan restoratorlar klýby asosıasıasynyń jetekshisi Gúlnar Katıbaeva bul týrnır jastar arasynda aspaz mamandyǵyn keńinen nasıhattaý jáne mamandyqtyń bedelin arttyrý maqsatynda ótkizilip otyrǵandyǵyn atap ótti.
«Týrnır ıdeıasy Tatarstannyń Qazan qalasynda paıda boldy. Byltyr biz týrnırge qatysyp, qalaı ótkenin kórdik. Týrnırdiń uıymdastyrylýy jaqsy boldy, biraq bizdiń elmen salystyrýǵa kelmeıdi. Bizde týrnır qatysýshylar úshin qıyn ótedi, olarda jeńildetilgen. Bizdiń elde týrnırge qatysý úshin úlken daıyndyqtan ótý qajet. Ótken jylǵy týrnırdiń uıymdastyrylýy maǵan unady. Tatarstanda týrnırdi uıymdastyrýda memleket keń qoldaý kórsetedi. Bizde ondaı emes. Osy jaǵynan Tatarstan tájirıbesin alýǵa bolady dep oılaımyn. Múmkin, týrnırden oralyp, ol jerde bolǵandy baıandaǵannan keıin, bizde de taǵam salasyna qoldaý kórsetiletin bolady dep úmittenemiz», - dep túıindedi ol.