Bul týraly QR Premer-Mınıstriniń orynbasary Eraly Toǵjanov aıtty.
Álemniń 43 eli QazVac vaksınasyn alýǵa daıyn, dep habarlaıdy Almaty-akshamy.kz
«Qazaqstandyq ǵalymdardyń kúmánsiz tabysy Bıologıalyq qaýipsizdik máselelerdi jónindegi ǵylymı-zertteý ınstıtýtynyń koronavırýsqa qarsy QazVac vaksınasyn ázirleýi boldy. Biz búginde odan ary ilgerilep kelemiz. Qazirgi ýaqytta BSL-3, BSL-4 qurylysy júrgizilip jatyr. Bul rette Bilim jáne ǵylym mınıstrliginiń róli de zor», - dedi Úkimet basshysynyń orynbasary Bilim jáne ǵylym mınıstrliginiń keńeıtilgen alqa otyrysynda.
Vıse-premer munan ary da birlesken jumystyń jalǵasatynyn basa aıtty.
«Eldiń atyn shyǵarǵan úlken joba bolǵanyn bárińiz jaqsy bilesizder dep oılaımyn. Alty memlekettiń ishinen besinshi bolyp Qazaqstan óziniń vaksınasyn shyǵarǵan elge aınaldy. Sondyqtan bul - úlken jetistik. Ǵalymdardyń bárine raqmetimizdi aıtamyz. Ary qaraı da jumys kóp. Birge jalǵastyrýymyz kerek. Olardyń aldyna qoıylǵan tapsyrma da bólek. Qazir 43 memleket bizdiń vaksınamyzdy alýǵa daıyn ekendigin bildirip otyr», - dedi Eraly Toǵjanov.