Munaı-hımıa salasy órkendep keledi
Qazaqstanda jalpy quny 12 mlrd dollardyń munaı-gaz-hımıa jobalary júzege asyrylmaq, dep habarlaıdy Almaty-akshamy.kz.
Dálirek aıtsaq, elimizde polıpropılen, metanol, polıetılen, maı jáne taǵy da basqa iri óndirister iske qosylady. Qazir jobalar ázirlený ústinde.
Bul týraly QR Energetıka mınıstri Nurlan Noǵaev Tatarstan munaı-gaz-hımıasy forýmynda sóılegen sózinde aıtty.
«Biz osy saladaǵy jobalardy tabysty iske asyrý úshin barlyq qajetti memlekettik qoldaý sharalaryn kórsetetin bolamyz. Qazirgi ýaqytta Úkimet munaı-gaz-hımıa salasynda arnaıy ınvestısıalyq kelisim ázirleýde, onda osy salany damytýǵa ınvestısıalardy yntalandyrýǵa baǵyttalǵan erekshe preferensıalar qamtylatyn bolady», - dedi sala basshysy.