Olar jaýyngerlik jáne kásibı daǵdylardy ıgerip jatyr.
Desanttyq-shabýyldaý áskerleriniń oqý polıgondarynda qarqyndy jaýyngerlik daıyndyq ótýde. Bólimshelerdiń, ekıpajdardyń jáne eseptoptardyń úılesý prosesi aıaqtalǵannan keıin bólimsheler shtattyq qarý-jaraqtan praktıkalyq jaýyngerlik atysqa kiristi, dep habarlaıdy Almaty-akshamy.kz.
Qorǵanys mınıstrliginiń baspasóz qyzmetiniń málimeti boıynsha, 2022 jyldyń kókteminde shaqyrylǵan merzimdi qyzmettegi áskerı qyzmetshiler bólimshelerge kelgennen keıin bir aı ishinde mamandyq boıynsha daıarlyqtan ótip, ózderine senip tapsyrylǵan qarý-jaraq pen áskerı tehnıkany zerdeleıdi. Sodan keıin bólimshelerdiń jaýyngerlik atystary júrgiziletin daıarlyqtyń kelesi kezeńine ótti.
«Biz kez kelgen urys jaǵdaıyna beıimdelýimiz kerek. Jaýyngerlik jáne kásibı daǵdylardy ıgerýmen qatar, oq atý da bizdi jaýapkershilikke tárbıeleıdi jáne moraldy turǵyda shyńdaıdy», – dep atap ótti 61993 áskerı bóliminiń pýlemetshisi Eldos Qoıshybaev.
Qyzmettiń alǵashqy kezeńinde batalóndardyń qorǵanystaǵy, shabýyldaǵy, marshtaǵy, bólimshelerdiń eldi mekenderde jaýyngerlik is-qımyldardy júrgizý sıaqty negizgi taqyryptar boıynsha jaýyngerlik atystary pysyqtaldy.
Basty maqsat – jeke quramnyń kúndiz jáne túnde jaýyngerlik ahýaldyń kúrdeli jaǵdaılarynda jeke jáne toptyq qarýdy qoldaný biligin tekserý, sondaı-aq zańsyz qarýly quramalarǵa qarsy belsendi jáne úılesimdi is-qımyldar júrgizý.