Ekijaqty taktıkalyq-arnaıy oqý-jattyǵýlar Qazaqstan men Tájikstan Qarýly kúshteri áskerı qyzmetshileriniń qatysýymen ótip jatyr. İs-qımyldar «Magob» oqý ortalyǵynda ótýde, dep habarlaıdy Almaty-akshamy.kz.
Birlesken oqý-jattyǵýdy ótkizý týraly sheshim bıylǵy jyldyń sáýir aıynda Dýshanbede ótken shtabtyq kelissózderde qabyldanǵan bolatyn. Kezdesýde taraptar Ortalyq Azıa óńirindegi terorıstik jáne dinı-ekstremıstik uıymdardyń qyzmetine baılanysty áskerı-saıası jaǵdaıdy, qaýip-qaterler men syn-tegeýrinderdi talqylady. Osyǵan sáıkes oqý-jattyǵýdyń mazmuny ázirlenip, taýly jerde urys júrgizý tásilderi modeldendi.
Qazaqstan Desanttyq-shabýyldaý áskerleri men qabyldaýshy taraptyń arnaıy maqsattaǵy bólimsheleriniń áskerı qyzmetshileri taýly jerlerde oqý-jaýyngerlik mindetter keshenin pysyqtaıdy.
Oqý-jattyǵýlar bólimshelerdiń dalalyq daǵdylaryn jetildirý, taýly jerde arnaıy is-sharalardy oryndaý kezinde komandırlerdiń bólimshelerdi basqarýda tájirıbe alýy, sondaı-aq eki el Qarýly kúshteriniń bólimsheleri arasyndaǵy ózara is-qımyl men tájirıbe almasý maqsatynda ótkiziledi. Oqý-jattyǵý 9 maýsymǵa deıin jalǵasady.