Bul ádis jańa týǵan náresteniń jatyrdan «ózdiginen» shyǵýyna múmkindik beredi.
Qazaqstandyq dárigerler «tabıǵı» kesar tiligin modıfıkasıalaý boıynsha sheberlik sabaǵyn ótkizdi, dep habarlaıdy Almaty-akshamy.kz.
Densaýlyq saqtaý mınıstrliginiń habarlaýynsha, Qazaqstanda bul ádisti S.J. Asfendıarov atyndaǵy Qazaq ulttyq medısına ýnıversıteti akýsherlik jáne gınekologıa kafedrasynyń profesory G.K. Omarova jetildirip, praktıkalyq akýsherlikke «tabıǵı» kesar tiliginiń modıfıkasıasy retinde engizdi.
Osy ádis boıynsha alǵashqy operasıa Almaty qalasynda ótken edi.
Búgingi tańda Jetisý oblysynyń dárigerleri bul tájirıbeni oblystyq perınataldyq ortalyqtyń bazasynda qoldanady.
«Tabıǵı» kesar tiliginiń modıfıkasıasy fızıologıalyq bosanýdyń bıomehanızm qaǵıdattaryn ustanyp qana qoımaıdy, bul ádis jańa týǵan náresteniń jatyrdan «ózdiginen» shyǵýyna múmkindik beredi. Sonymen qatar áıel bosana salyp balasymen tikeleı baılanysta bolady.
«Jańa týǵan náresteniń ananyń terisimen erte baılanysyn hırýrg ony operasıalyq kıimde arnaıy jasalǵan «tereze» arqyly ananyń keýdesine aýystyrý arqyly qamtamasyz etedi, osylaısha bala medısına personalymen baılanyspaıdy. Operasıa kezinde bosanǵan áıel jańa týǵan nárestemen bastapqy jáne tikeleı baılanysta bolady, psıhoemosıonaldy qanaǵattanýdy sezinedi, ony ómirdiń alǵashqy mınýttarynan bastap kóredi», - deıdi profesor.
«Tabıǵı» kesar tiliginiń modıfıkasıasy artyqshylyqtarynyń biri – fızıologıalyq bosanýdyń bıomehanızm qaǵıdattaryn saqtalady, ıaǵnı ınteroperasıalyq kezeńnen bastap akýsher men neonatologty aınalyp ótip, ana men bala birge bolady, jańa týǵan náreste fızıologıalyq jaǵynan tez beıimdeledi.
«2022 jyly profesor G. Omarova «Ana men bala» konferensıasynda óziniń biregeı ádistemesin tanystyrdy. Jetisý oblysynyń dárigerleri qyzyǵýshylyq tanytty, al 2023 jyly biz Qazaqstanda birinshi bolyp tabıǵı kesar tiligi bólimin qoldandyq», - dep bólisti Jetisý oblysynyń Densaýlyq saqtaý basqarmasy basshysynyń orynbasary Áıgerim Baýyrjanqyzy.
«Tabıǵı» kesar tiliginiń modıfıkasıalanǵan ádisi josparly túrde júrgizildi jáne úsh kúnniń ishinde dárigerler 10 áıeldi bosandyrdy.