Bul shara búkil respýblıkany qamtıtyn bolady.
Qazaqsannyń Qarjy naryǵyn retteý jáne damytý agenttigi Almaty qalasynyń ákimdigimen áleýmettik az qamtylǵan boryshkerlerdi ıpoteka qaryzy úshin jalǵyz baspanasynan shyǵarmaý týraly memorandýmǵa qol qoıylǵanyn málim etti, dep habarlaıdy Almaty-akhamy.kz QazAqparatqa silteme jasap.
«23 qyrkúıekte Qarjy naryǵyn retteý jáne damytý agenttigi, Almaty ákimdigi, Bank ombýdsmeni, bankter jáne qoǵamdyq birlestikter arasynda halyqtyń áleýmettik osal toptaryna jatatyn boryshkerlerdiń ıpotekalyq qaryzy úshin jalǵyz turǵyn úıin alyp qoıý jáne jalǵyz baspanasynan shyǵarý sharalaryn toqtata turýdy kózdeıtin ózara túsinistik pen yntymaqtastyq týraly memorandýmǵa qol qoıyldy», - dep jazylǵan agenttik bergen túsiniktemede.
Agenttiktiń baspasóz qyzmeti mamandar memorandým jobasymen maýsym aıynan beri jumys istegenin, ázirge memorandým Almaty qalasynyń ákimdigimen ǵana qol qoıylǵanymen, shara keıin búkil respýblıkany qamtıtynyn aıtady.
«Qujat qol qoıylǵan kúninen bastap kúshine enedi jáne 12 aı boıy kúshinde bolady», - dep jazylǵan agenttiktiń resmı málimetinde.