Úkimet ózgede naryqtardy ıgerýdi kózdep otyr.
Qazaqstanda shyǵarylatyn bal Saýd Arabıasynyń tutynýshylaryna jetetin boldy. Bıyl bal óndiretin jáne óz ónimderin Saýd Arabıasy Koróldigine eksporttaýǵa daıyn qazaqstandyq 10 kásiporyn atalmysh eldiń tıisti reestrine engizildi, dep habarlaıdy Almaty-akshamy.kz.
«Jyl basynan beri mal sharýashylyǵy ónimderin jetkizýge quqyǵy bar 4 kásiporyn, sút ónimderin syrtqa shyǵarýǵa ázir 3 kásiporyn, balyq jáne balyq ónimderin saqtaıtyn, qaıta óńdep, ótkizetin 1 kásiporyn Qytaıdyń Bas keden basqarmasynyń tizimine engizildi. Veterınarıalyq baqylaý jáne qadaǵalaý komıtetiniń Túrkıa tarapymen júrgizgen jemisti jumystarynyń nátıjesinde osy eldiń tizimine terini eksporttaýǵa quqyǵy bar 4 kásiporyn engizildi»,– delingen Aýyl sharýashylyǵ mınıstrliginiń baspasóz qyzmetiniń habarlamasynda.
Mınıstrliktiń 2021 jylǵy josparynda osy naryqtarǵa shyǵaratyn taýar túrlerin kóbeıtýdi jalǵastyrý, sondaı-aq Eýropalyq Odaqtyń, Túrkıanyń jáne Ońtústik-SHyǵys Azıa elderiniń jańa naryǵyn ıgerý kózdelip otyr.