Erasyl Omarov – Azıa chempıonatynyń júldegeri.
Tashkentte aýyr atletıkadan jastar men jasóspirimder arasyndaǵy qurlyqtyq doda ótip jatyr, dep habarlaıdy Almaty-akshamy.kz «Habar 24» saıtyna silteme jasap.
Baıraqty básekege 21 elden 300-den asa qatysýshy jınaldy. Jarystyń alǵashqy kúnderi jeńil salmaqtaǵy syndar boldy. Máselen, 55 kelige deıingiler arasynda el namysyn Erasyl Omarov qorǵaǵan. Ol julqa kóterýde 104, al serpe kóterýde 124 kelini basynan asyrdy. Osylaısha 228 kelimen jalpy esepte úshinshi oryǵa turaqtady. Birinshi jáne ekinshi oryndy Vetnam sportshylary ıemdendi.
Buǵan qosa, qyzdar arasynda 45 kelige deıingilerdiń jarysy ótti. Bul synǵa elimiz atynan Aleksandra Belenko qatysyp, jarys qorytyndysy boıyna 5-shi orynǵa turaqtady. Ózbekstandaǵy Azıa chempıonaty 25 shildege deıin jalǵasady.
«Neshe kún boıy salmaq tastap keldim. Osyǵan da shúkir. Úshinshi oryn aldym. Negizgi salmaǵym 59 edi, 55-ke deıin qýdyq. Bizde bárimiz altyn dep keldik. Bári altyn alady degen úmittemin. Sáttilik tileımin. Qarsylastaryma da. Bolashaqta taǵy jarysatyn bolamyz», - dedi Azıa chempıonatynyń júldegeri Erasyl Omarov.