Ol atalǵan qashyqtyqty 27:35.44 kórsetkishimen baǵyndyrdy
Jeńil atletıkadan Qazaqstan komandasy Kýveıtte 18 jasqa deıingi sportshylar arasynda ótip jatqan Azıa chempıonatynda alǵashqy altyn medaline qol jetkizdi, dep habarlaıdy Almaty-akshamy.kz.
Federasıanyń resmı paraqshasynda habarlanǵandaı, el qorjynyna bas júldeni birinshi bolyp Sabrına Arzıeva syılady.
Naqtyraq aıtsaq, Arzıeva sporttyq jaıaý júriste 5000 metrge jarysýdan aldyna jan salmady.
Ol atalǵan qashyqtyqty 27:35.44 kórsetkishimen baǵyndyrdy. Bul - qazaqstandyq atlettiń qurlyqtyq jarystardaǵy jeńip alǵan alǵashqy iri júldesi.
Kýveıttegi Ál-Rashadan stadıonynda ótip jatqan Azıa chempıonatynda 33 memleketten kelgen 400-den asa jeńil atlet synǵa túsip jatyr.
Olardyń qatarynda 27 qazaqstandyq sportshy el namysyn qorǵaıdy.
Búgin, ıaǵnı 13 qazanda alaýy tutanǵan Azıa chempıonaty 16 qazan kúni máresine jetedi.