Jattyǵýdyń sheshýshi kezeńi 20-21 qazan kúnderi ótedi.
Tájikstannyń «Harbmaıdon» polıgonynda Ortalyq Azıa óńiriniń jedel óristetý ujymdyq kúshteri (JÁUK) bólimsheleriniń «Shekara-2022» birlesken oqý-jattyǵýy bastaldy, dep habarlaıdy Almaty-akshamy.kz.
Qazaqstannan «Astana» óńirlik qolbasshylyǵy áskerleri qolbasshysynyń birinshi orynbasary – shtab bastyǵy, polkovnık Baǵlan Óserbaevtyń basshylyǵymen Desanttyq-shabýyldaý áskerleriniń bólimshesi jumyldyryldy.
Birinshi kezeńde taýly jerlerde zańsyz qarýly qurylymdardy joıý boıynsha jedel áreket etý ujymdyq kúshteriniń birlesken operasıasyn daıyndaý júzege asyrylýda. Ekinshi kezeńde bólimshelerdi basqarý, jaýyngerlik toptardy buǵattaý jáne joıý máseleleri pysyqtalyp, memlekettik shekaradaǵy jaǵdaıdy qalpyna keltirý maqsatynda jaýyngerlik jáne arnaıy is-qımyldar júrgiziletin bolady.
Jattyǵýdyń sheshýshi kezeńi «Harbmaıdon» polıgonynda 20-21 qazan aralyǵynda ótedi.