Bul sharaǵa eń myqty mınaatqysh eseptoptary qatysady.
Qazaqstan áskerıleri Armıa halyqaralyq oıyndaryna daıyndyq jumystaryn bastady. Bul shara aqpan aıynyń sońynda aıaqtalady, dep habarlaıdy Almaty-akshamy.kz.
«Qarýly Kúshterde 2022 jylǵy Armıa halyqaralyq oıyndaryna daıyndyq bastaldy. Polıgondarda «Artılerıadan oq atý sheberleri» konkýrsyna Qazaqstan komandasynyń quramyna kiretin áskerı qyzmetshilerdi irikteý júrip jatyr», - delingen Qorǵanys mınıstrliginiń habarlamasynda.
Mamandardyń aıtýynsha, baıqaýǵa eń myqty mınaatqysh eseptoptary qatysady.
«Kil myqty áskerı qyzmetshilerdi irikteý barlyq kandıdattardyń normatıvterdi tapsyrýdaǵy kásibı deńgeıin jan-jaqty baǵalaı otyryp, muqıat júrgiziletin bolady», – dedi «Ońtústik» óńirlik qolbasshylyǵynyń artılerıa jáne zymyran áskerleriniń bastyǵy, polkovnık Tilek Serikpaev.
Barlyq óńirlik qolbasshylyqtardyń, Desanttyq-shabýyldaý áskerleriniń mınaatqysh bólimshelerin qamtıtyn irikteý kezeńi aqpan aıynyń sońynda aıaqtalady. Sáýirdiń ortasynda «Mátibulaq» polıgonynda artıllerıster konkýrs kezeńderiniń erekshelikterine qaraı dalalyq joryqqa shyǵý sabaqtaryn jalǵastyrady.
«Artılerıadan oq atý sheberleri» konkýrsy 2016 jyldan beri Qazaqstanda turaqty túrde ótkizilip keledi. El Qarýly Kúshteriniń komandasy bul saıysta jeńis tuǵyrynan túsken emes.
Armıa halyqaralyq oıyndary – halyqaralyq áskerı yntymaqtastyq, tájirıbe almasý sharasy ǵana emes, sondaı-aq jaýyngerlik daıarlyqtyń jańa formatynda áskerı qyzmetshilerdiń sheberligin arttyrýdyń tıimdi quraly. Jaýyngerlik mashyqty jetildirý konkýrstarǵa daıyndyq barysynda jáne onyń ótkizý kezindegi jarystarda ǵana emes, oqý-jaýyngerlik is-qımyldar da qajet.
2021 jyly Armıa halyqaralyq oıyndarynyń baǵdarlamasyna 11 memlekettiń aýmaǵynda ótken dalalyq, áýe jáne teńiz mashyǵy boıynsha 34 konkýrs kirdi. Qyryqtan astam eldiń áskerı qyzmetshileri baǵyn synaǵan saıystardyń 11-ine qatysqan Qazaqstan Qarýly Kúshteriniń qorjynynda eki altyn, bir kúmis jáne segiz qola medal bar.