Ánshi Ernazar Juban Ýkraınanyń «Golos» shoýynda baq synap kórdi
The Weekend tobynyń «Take My Breath» ánin oryndaǵan atyraýlyq jigitke belgili prodúser Alekseı Potalenko (Potap) buryldy.
25 jastaǵy ánshi qańtardaǵy tártipsizdikter kezinde jobanyń uıymdastyrýshylarymen baılanysqa shyǵa almaǵanyn aıtty. Baǵyna oraı, barlyǵy aıaqtalǵan soń, Kıevke úlgerip ushyp kelgenin atap ótti, dep habarlaıdy Almaty-akshamy.kz Elorda.info-ǵa silteme jasap.
«Sońǵy sátte burylǵym kelip ketti. Sebebi daýyspen oınap turdyńyz. Barlyǵy minsiz boldy deı almaımyn. Biraq batyldyǵyńyz úshin buryldym. Biz Qazaqstannan keletin qatysýshylardy óte jaqsy kóremiz. Olar – naǵyz jaýyngerler», – dedi Potap Ernazardyń ónerine baǵa berý barysynda.
Aıta keteıik, Ernazar Juban byltyr «Qazaqstan daýysy» jobasyna qatysqan edi. Ol Sáken Maıǵazıevtiń tobynda óner kórsetti.