Qazaqstandyq sýmoıst Ersin Baltaǵ Imperator kýbogynda kósh bastady, dep habarlaıdy aqshamnews.kz
Qazaqstandyq sýmoıst Ersin Baltaǵ (sahnadaǵy esimi — Kımbodzan Hırýkı) Japonıada ótip jatqan Imperator kýbogynyń qańtar aıyndaǵy basó týrnırinde úzdik nátıje kórsetip, tarıhta alǵash ret kóshbasshy atandy. Ersinniń boıy 190 sm, salmaǵy 180 kg.
Tokıonyń áıgili «Kokýgıkan» sýmo saraıynda ótken bul týrnır ulttyq kúrestiń elıtalyq dıvızıony úshin asa mańyzdy. Ersin Baltaǵ toǵyz týr qorytyndysy boıynsha birde-bir jeńilissiz týrnır kestesin bastap tur.
Ersinniń eń jaqyn qarsylastary — mońǵoldyq Tıósóma (8-1) jáne japondyqtar Oho men Takerýfýdzı (7-2). Týrnır 26 qańtarda aıaqtalady, al sportshylarǵa áli bes kezdesýge qatysý qajet.
Sýret «Dádá Vaná» telegram-arnasynan
Kımbodzan Hırýkı — elıtalyq dıvızıonǵa joldama alǵan jáne Imperator kýbogynda kósh bastaǵan alǵashqy qazaqstandyq sýmoıst. Bul onyń sporttaǵy erekshe jetistiginiń jáne el úshin maqtanysh bolarlyq sáttiń dáleli.