Kókshetaýda baılanyssyz tásilmen esirtki satqan akter qolǵa tústi, dep habarlaıdy aqshamnews.kz.
Polisia.kz málimetinshe, tintý barysynda onyń páterinen elektrondy tarazy, arnaıy jabdyqtar jáne jalpy salmaǵy 1,5 kelige jetetin mefedron men «alfa-PVP» sıntetıkalyq esirtkisi tárkilendi.
Qylmystyq árekettiń dálelderin tereńdete zertteý úshin kúdiktiniń telefony tekserilip, esirtki jasyrylǵan oryndardyń naqty koordınattary anyqtaldy. Sonyń nátıjesinde 4500 doza esirtki aınalymǵa túspeı, der kezinde tosqaýyl qoıyldy. Tergeý barysynda belgili bolǵandaı, kúdikti buǵan deıin otandyq serıaldarǵa túsken. Ol óz kinásin tolyq moıyndap, qazirgi tańda ýaqytsha ustaý ızolátoryna qamaldy, - delingen málimette.
Quzyrly organdar sotqa deıingi tergeýdi jalǵastyrýda.