Biryńǵaı jınaqtaýshy zeınetaqy qorynyń málimetinshe, 2026 jyly zeınetke shyǵý erejesi ózgerissiz qalady, dep habarlaıdy aqshamnews.kz
Keler jyly erler – 63 jasynda, áıelder 61 jasynan bastap zeınetaqy alady.
BJZQ aqparatyna qaraǵanda, áıelderdiń zeınetke shyǵý jasy aqyryndap ulǵaıa beredi. 2031 jylǵa qaraı názik jandylar da 63 jastan shyǵatyn bolady.
"Zeınet jasy – kóptegen elderde talqylanatyn mańyzdy taqyryp. Qazaqstan da bul máseleden tys emes. Álemdik ekonomıkalyq jáne demografıalyq ózgerister jaǵdaıynda zeınet jasyn arttyrý halyqaralyq tájirıbege aınalyp keledi. Halyqtyń ómir súrý uzaqtyǵynyń artýy men qarttardyń kóbeıýi jumys isteıtin azamattarǵa túsetin salmaqty arttyrady", – delingen zeınetqy qorynyń habarlamasynda.
Biryńǵaı jınaqtaýshy zeınetaqy qorynyń málimetinshe, Qazaqstandaǵy jalpy belgilengen zeınet jasy erler úshin 63 jas, áıelder úshin 2024 jylǵy 1 qańtardan bastap 61 jas dep belgilengen.
2028 jylǵy 1 qańtardan bastap – 61,5 jastan;
2029 jylǵy 1 qańtardan bastap – 62 jastan;
2030 jylǵy 1 qańtardan bastap – 62,5 jastan;
2031 jylǵy 1 qańtardan bastap – 63 jastan zeınetke shyqpaq.