Áleýmettik jelilerde 31 jeltoqsandy resmı demalys kúni dep jarıalaý talqylady, - dep habarlaıdy aqshamnews.kz
Qazaqstandyqtar ne deıdi?
Jeli qoldanýshysy jazba jarıalap, bul máselege qatysty qazaqstandyqtardyń pikirin suraǵan.
"Kim 31 jeltoqsandy demalys kúni dep jarıalaýdy qoldaıdy? Negizi báribir eshkim jumys istemeıdi, jumysta jaı otyramyz, al úıde isteıtin sharýa, daıyndyq bar", - dep jazdy avtor.
31 jeltoqsannyń mártebesi týraly pikirtalas tolastar emes. Biri merekege sabyrmen daıyndalý úshin qosymsha demalys kúnin surasa, ekinshileri dárigerler, kólik, dúkender men jedel qyzmetter jumys isteýi tıis ekenin eske salady.
Eńbek mınıstrliginiń ustanymy
Buǵan deıin Eńbek jáne halyqty áleýmettik qorǵaý mınıstrligine resmı saýal joldaǵan edik. Vedomstvo 31 jeltoqsan memlekettik merekeler tizimine kirmeıtinin eske saldy.
Mınıstrlik túsindirmesi:
Qazaqstanda demalys kúnderi tek memlekettik jáne ulttyq merekeler bolyp sanalady. Jańa jyl 1 jáne 2 qańtarda toılanady;
jumys berýshiler 31 jeltoqsandaǵy jumys kúnin óz qalaýy boıynsha qysqarta alady;
31 jeltoqsandy resmı demalys kúni etý úshin zańǵa ózgeris engizip, bul máseleni úkimet deńgeıinde qarastyrý qajet.
"Azamattardyń demalysqa konstıtýsıalyq quqyǵyn saqtaý jáne jumyspen qamtylǵan halyqtyń basym bóliginiń áleýmettik múddelerin eskerý maqsatynda 31 jeltoqsandy demalys kúni retinde bekitý oryndy emes dep sanaımyz", delingen jaýapta.
Sonymen qatar mınıstrlik demalys kúnderin aýystyrý múmkin ekenin, biraq mundaı sheshimder kúntizbe men ekonomıkalyq jaǵdaıǵa baılanysty aldyn ala qabyldanatynyn naqtylady.