Tótenshe jaǵdaılar mınıstrliginde daǵdarystyq jaǵdaılarda basqarýdyń tıimdiligin arttyrýǵa, tótenshe jaǵdaılardyń aldyn alý jáne olardy joıý boıynsha úılestirýdi qamtamasyz etýge baǵyttalǵan aýqymdy uıymdastyrýshylyq qaıta qurý, tehnıkalyq jańǵyrtý men sıfrlyq servısterdi engizý júrgizildi.
TJM Strategıalyq josparlaý jáne jedel basqarý komandalyq ortalyǵynyń jańǵyrtylǵan ahýaldyq zaly iske qosyldy, onyń negizinde yqtımal tehnogendik jáne tabıǵı apattarǵa den qoıýdy boljaý, modeldeý jáne taldaý, sondaı-aq olardyń saldaryn baǵalaý quraldarymen sıfrlyq servısterdi shoǵyrlandyrý júrgiziledi.
Tótenshe jaǵdaılardy boljaý jáne modeldeý úshin «TJ GAJ» sıfrlyq servısi iske qosyldy, ol «Qazaqstan Ǵarysh Sapary «UK» AQ Geoportalymen birlesip sý tasqyny jaǵdaıyn modeldeý jáne turǵyn úılerdiń sý basýyna, tirshilik áreketiniń buzylýyna jol bermeý, halyqty qutqarý jáne evakýasıalaý boıynsha jedel den qoıý sharalaryn qabyldaý úshin qoldanylady. Sonymen qatar bul júıede órttiń taralý aımaqtaryn esepteý úshin «Pırologıa» órtterdi monıtorıńteý men boljaýdyń kishi júıeleri, joǵary, tómengi, shymtezek, qylqan japyraqty jáne japyraqty parametrler boıynsha esepteýlerdi qoldanýdy tańdaý jumys isteıdi.
TJM-de, onyń aýmaqtyq jáne vedimistik baǵynysty bólimshelerinde kadrlardyń esebi men qozǵalysyn avtomattandyrý úshin 1C platformasynda «Kadrlar» júıesi engizildi. Bul quraldar basshylyqqa negizgi kórsetkishterdi jedel baqylaýǵa jáne ólshengen basqarý sheshimderin qabyldaýǵa, mınıstrliktiń barlyq bólimsheleriniń úılesimdi jumysyn qamtamasyz etýge, jalpy tıimdilikti, ashyqtyqty, jeke aqparatqa qol jetkizýdi jáne kadr máselelerin jedel sheshý múmkindigin arttyrýǵa múmkindik beredi.
Sonymen qatar jasandy ıntellekt bazasynda qońyraý shalýshy abonenttiń jáne zıatkerlik kómekshiniń ornalasqan jerin anyqtaý múmkindigimen «112» Call-ortalyǵyn qurý jónindegi bastamany iske asyrý jalǵasýda. Biryńǵaı kezekshi-dıspecherlik qyzmettiń «112» jobasyn iske asyrý sheńberinde oblystardyń, respýblıkalyq mańyzy bar qalalardyń jáne astananyń tótenshe jaǵdaılar departamentteriniń jedel basqarý ortalyqtarynda qoldaný kózdeledi. Qazirgi ýaqytta baılanys qyzmetterin jetkizýshilermen birlesip Astana qalasy TJD josparlaý jáne jedel basqarý ortalyǵy bazasynda pılottyq jobany iske asyrý boıynsha jumys júrgizilýde. Kútiletin nátıje tótenshe jaǵdaıǵa tap bolǵan azamattardan kelip túsken habarlamalarǵa den qoıý jyldamdyǵyn arttyrý, halyq tarapynan azamattyq qorǵaý organdaryna degen senimdi nyǵaıtý bolyp tabylady.
Halyqty qulaqtandyrýdyń ulttyq júıesin ázirleý boıynsha jumys bastaldy, baǵdarlamalyq qamtamasyz etýdiń, respýblıkalyq jáne aýmaqtyq deńgeıdegi basqarý púltiniń tolyqqandy nusqasy ázirlendi, sırena-sóıleý qurylǵysynyń tehnıkalyq sqemasy qurastyryldy. Bul qosymsha azamattardyń qaýipsizdigin jáne tótenshe jaǵdaılarda is-qımylǵa daıyndyǵyn arttyrýda mańyzdy ról atqaratyn bolady.
Halyqty tótenshe jaǵdaılar týraly habardar etý úshin «112KZ» mobıldi qosymshasynyń demonstrasıasy ázirlendi, bul azamattardy tabıǵı apattar, tehnogendik avarıalar nemese áleýmettik tártipsizdikter sıaqty yqtımal qaýipter men táýekelder týraly jedel aqparattandyrýǵa múmkindik beredi. Mundaı qosymsha azamattardyń qaýipsizdigin jáne tótenshe jaǵdaılarda áreket etýge daıyndyǵyn arttyrýda mańyzdy ról atqarady.
Sonymen qatar TJM birqatar «Sıfrlyq bastamalardy» iske asyrdy. 2GIS jáne Iandeks operatorlarynyń elektrondyq kartalarynda evakýasıalyq, jınaý jáne jylytý pýnktteri ornalastyrylǵan. Bul TJ kezinde kómek kórsetý oryndary týraly halyqtyń habardarlyǵyn arttyrady, halyqty jınaý pýnktterine, jylytý pýnktterine jáne t. b. navıgasıalyq marshrýttar salýǵa múmkindik beredi.
Cell Broadcast uıaly baılanysynyń abonenttik qurylǵylaryna habarlamalardy jedel jetkizý júıesin pılottyq iske qosý júrgizildi. Bul bir ýaqytta kóptegen abonentterge habarlamalardy jedel jetkizýge múmkindik beredi. Jeliniń shamadan tys júktelýine qaramastan jumys isteıdi, bul trafıktiń joǵary kezeńinde de habarlamalardyń senimdi jetkizilýin qamtamasyz etedi.
Tótenshe jaǵdaılardyń aldyn alý maqsatynda orman alqaptarynyń jaı-kúıin naqty ýaqytta baqylaýǵa múmkindik beretin jasandy ıntelekti bar beınemonıtorıng kameralaryn qoldanady. Júıeler yqtımal órt belgilerin, tútin basýdy avtomatty túrde tirkeıdi jáne sıgnaldardy jedel jiberedi.
Sonymen qatar joǵalǵan adamdardy izdeý úshin jasandy ıntelekti bar ushqyshsyz ushý apparattary (UUA) belsendi qoldanylady. Olardyń kómegimen joǵalǵan adamdardy izdeý úshin ashyq jerdiń fotosýretteri jasalady, al alynǵan sýretter jasandy ıntellekt arqyly óńdeledi. Máselen bıylǵy jyldyń tamyz aıynda birlesken operasıa aıasynda joǵalǵan azamattardy izdeý úshin jasandy ıntelekt derekterin óńdeýmen jetýi qıyn jerlerdi túsirý júrgizildi. Bul tehnologıa óziniń tıimdiligin dáleldedi jáne izdeý-qutqarý operasıalarynda turaqty negizde qoldanylatyn bolady.
TJM tótenshe jaǵdaılarda qaýipsizdik pen jedeldikti arttyrý úshin tehnologıalardy damytýdy jáne sıfrlyq sheshimderdi engizýdi jalǵastyrylatyn bolady.