Virgemiz: Úmit jalpyulttyq jobasy iske asyryla bastady.
Qazaqstanda eriktilerdiń izdestirý is-sharalaryna qatysýyn keńeıtýge jáne halyqty tótenshe jaǵdaılardan qorǵaýǵa baǵyttalǵan Virgemiz: Úmit jalpyulttyq jobasy iske asyryla bastady, dep habarlaıdy Almaty-akshamy.kz Baq.kz silteme jasap.
Áleýmettik joba Aqparat jáne qoǵamdyq damý mınıstrliginiń qoldaýymen júzege asyrylady, dep habarlaıdy Azamattyq bastamalardy qoldaý ortalyǵynyń baspasóz qyzmeti.
Jobanyń basty maqsaty – joǵalǵan adamdardy izdeý, turǵyndar men aýmaqtardy tabıǵı jáne tehnogendik sıpattaǵy tótenshe jaǵdaılardan qorǵaý jónindegi is-sharalardy uıymdastyrýǵa jáne iske asyrýǵa eriktilerdi tartý.
«Jobany iske asyrý barysynda joǵalǵan adamdardy izdeý jónindegi is-sharalarǵa volonterlerdi tartý úshin biz konkýrstyq negizde keminde 30 shaǵyn grantty usynamyz. Volonterlerdi neǵurlym kóp daıyndap, oqytsaq, jobany iske asyrý soǵurlym tıimdi bolady. Eń tabysty komandalardyń tájirıbesi 10 keıs jınaǵyna kiredi», - dedi «Qyzylorda eriktileri» QQ atqarýshy dırektory Olga Chebakova.
Qoǵam belsendileri qazaqstandyqtardyń izdestirý, halyqty tótenshe jaǵdaılardan qorǵaý sharalaryna qatysýyn keńeıtýdi josparlap otyr.
Jobaǵa keminde 2 myń qazaqstandyq tartylmaq. Olardyń 50-i – kúmis volonter qatarynan bolýy tıis.
Bıyl eriktiler kınologıalyq qyzmettermen yntymaqtastyqta belsendi jumys júrgizýge nıetti. Jobany uıymdastyrýshylardyń aıtýynsha, qyzmettik ıtter qutqarýshylarǵa tótenshe jaǵdaılarda adamdardy izdeýde jáne qutqarýda úlken kómek kórsetedi.
Sonymen qatar, jobany iske asyrý jáne iske asyrylǵan shaǵyn granttardyń tıimdiligi týraly usynymdar jınalǵan taldamalyq baıandama daıyndalady dep kútilýde.