Qazaqstannyń «Azamattar úshin Úkimet» memlekettik korporasıasy eldegi Halyqqa qyzmet kórsetý ortalyqtarynda oryn alǵan jappaı aqaý týraly málimdedi. Bul aqaý júıeniń jumys jyldamdyǵynyń tómendeýinen týyndaǵan jáne onyń saldarynan memlekettik organdardyń Serverlik ortalyǵynyń ınfraqurylymy zaqymdanǵan, dep habarlaıdy aqshamnews.kz
Tengrinews.kz habarlaǵandaı, aqaý áserinen birqatar HQKO-tarynda qyzmet kórsetý prosesi ýaqytsha toqtap, azamattar úshin qajetti memlekettik qyzmetterdi alý múmkindigi shekteldi. Bul másele elimizdiń túrli aımaqtaryndaǵy Halyqqa qyzmet kórsetý ortalyqtarynyń jumysyn qıyndatty.
«Azamattar úshin Úkimet» ókilderi bul jaǵdaıǵa baılanysty túsinikteme berip, tehnıkalyq aqaýlardyń qazirgi ýaqytta tolyqtaı joıylǵanyn jáne barlyq qyzmetterdiń qaıtadan shtattyq rejımde jumys istep jatqanyn habarlady. Sonymen qatar, mundaı jaǵdaılardyń aldyn alý úshin júıeni jańartý jáne qosymsha sharalar qabyldaý jospary bar ekeni aıtyldy.
Bul oqıǵa azamattarǵa memlekettik qyzmetterdi alý barysynda yńǵaısyzdyq týǵyzǵanymen, qazirgi tańda HQKO-dary qaıtadan qalypty jumys rejımine kóshti, jáne azamattar ózderine qajetti qyzmetterdi esh qıyndyqsyz ala alady.