2025 jyldyń 1-10 sáýir aralyǵynda Almatyda erler men áıelder arasynda shahmattan aımaqtyq Azıa chempıonaty ótedi, dep habarlaıdy aqshamnews.kz
Bul — 3.4 aımaǵy. Chempıonatty Qazaqstan shahmat federasıasy Azıa shahmat federasıasy (ASHF) jáne Halyqaralyq shahmat federasıasy (FIDE) atynan uıymdastyrady.
Chempıonatqa 3.4 aımaǵynyń ulttyq federasıalarynda tirkelgen barlyq sportshylar qatysa alady. Bul shahmatshylarǵa halyqaralyq arenada óz sheberlikterin kórsetýge úlken múmkindik beredi.
Jarysqa qatysýshylarǵa 9 týr ótkizý josparlanǵan. Týrnır shveısarıalyq júıe boıynsha ótedi. Ýaqytty basqarý: alǵashqy 40 júris úshin 90 mınýt, keıingi oıyn bólimine 30 mınýt, árbir júriske 30 sekýnd qosylady.
Chempıonattyń jalpy júlde qory — 20 000 AQSH dollary, bul qatysýshylarǵa joǵary nátıjeler úshin kúresýge qosymsha yntalandyrý beredi.